مشاكل ملفات القنوات وحلولها

مشاكل ملفات القنوات وحلولها – بقلم Youssefsat

السلام عليكم ورحمة الله وبركاته
كتير مننا بينزل ملف قنوات جاهز عشان يريح دماغه من البحث، لكن بيقابل مشاكل كتير بعد تنزيل الملف. في الموضوع ده هجمع لكم أشهر المشاكل وحلها.

1. مشكلة “الملف غير متوافق” أو الجهاز يهنج بعد الملف

   السبب: انت نزلت ملف قنوات لسوفت وير أو لاصدار هارد وير مختلف عن جهازك.

   مثلا ملف لجهاز Sunplus 1506HV على جهاز 1507 أو العكس.

   الحل:

   لازم تعرف نوع جهازك بالظبط من المعلومات Menu > معلومات

   وشوف المعالج والفلاشة 8 ميجا ولا 4 ميجا، ونزل الملف المخصص لنفس معالجك ونفس سوفتك. مش أي ملف وخلاص.

2. مشكلة اختفاء قنوات أو قمر كامل بعد تنزيل الملف

   السبب: الملف معمول على ترددات قديمة، أو معمول لـ 4 أقمار وانت مركب 3 بس.

   الحل:

   بعد تنزيل الملف اعمل بحث أعمى Blind Scan للقمر اللي ناقص، أو نزل ملف متحرك حديث ومتحدث بتاريخ اليوم.

3.  مشكلة تكرار القنوات 3 و 4 مرات
   السبب: ملفات القنوات الجاهزة بتكون فيها قنوات SD و HD لنفس القناة.
   الحل:
   من الريموت دوس SAT واختار قائمة HD بس، أو اعمل حذف للقنوات المكررة من الضبط.

4.  مشكلة القنوات بتكتب “مشفرة” رغم انها مجانية
   السبب: ده بيحصل لما تنزل ملف قنوات معمول على سيرفر معين، والجهاز بيعتبر القناة مشفرة.
   الحل:
   اقف على القناة واعمل بحث شبكة للتردد الواحد فقط، هترجع تفتح مجانا تاني.

   5- مشكلة الجهاز يكتب ON أو لمبة حمرا بعد الملف (الموت المفاجئ)
   دي أخطر مشكلة وسببها 90% ملف قنوات غلط بفلاشة أكبر من جهازك.
   الحل:
   هتحتاج سوفت وير طوارئ بالفلاشة عن طريق ملف http://rom.bin وتسميه حسب نوع جهازك، أو شحن فلاشة باللودر عند فني.

   نصايح ذهبية من Youssefsat قبل ما تنزل أي ملف قنوات:

   1. خد نسخة من ملف قنواتك القديم على فلاشة قبل ما تنزل الجديد
   2. نزل الملف من مصدر موثوق وبتاريخ جديد، الترددات بتتغير كل اسبوع
   3. بعد تنزيل الملف اعمل اعادة تشغيل للجهاز وشيل الفيشة 30 ثانية
   4. لو جهازك عليه سيرفرات، متعملش ضبط مصنع بعد الملف عشان السيرفر ميضعش

   > ملحوظة:أفضل ملف قنوات هو اللي تعمله بايدك بحث شبكة وترتب قنواتك المفضلة بنفسك، الملفات الجاهزة للمساعدة فقط.

                أتمنى الموضوع يكون أفادكم
أخوكم Youssefsat
لا تنسوا دعوة حلوة